हांउ आफरोह मोन लाह च़ोखोह ज़ागदो सुह?
दिमाङे मैईंयेह मैंरोह मोन लाह ऐलाए च़ोखोह टानिह ज़ागिह थियोह , आई आफरोह हाथ लाह बिह बेकसूर ज़ागिह थियोह। (भजन संहिता 73:13) तैर-मैर नूदोह बिशोह प़ाँच बोराश आऊखा आमोरिह ज़ुन स्या गोरेह थाकदे थियेह , मैईंयेह होसोह गोरेह रोह आंगोन कैह एकह बोट टुङमाई थियोह। आज़ होसोह बोट मुलुक बोडोह फिरिस। ज़ैत्रेह बिह हांउ होतिन्छ़े नाशदो सुह तेत्रेह मांलाह कोलाङ आछ़दोस किह 'होई बोट लाह मैईंयेह टुङमाई थियोह।' गैत ल्यांदो स्या होई बातेह गाश ज़ोर टानिह बोल्दोस किह आफ लाह च़ोखोह आई बेकूसुर ज़ागनोह काह तिन रोह किछ़ेह बिह बोलोह निफरोस। सऐब काह पोएला बातेह , तामोरिह आफुए आफरोह मोन लाह च़ोखोह आई आफलाह बेकूसुर ज़ागिह नोबोल्दे सिह ; ऐखोह परमेश्वरेह होयो टानिह बोल्दोस। आई , किज़ु बोल्ताह तामोर लाह दोरमी ज़ुर्याईयुनस , होज़ रोह मोतलोब होई नूदोस किह परमेश्वर तामोर लाह होसोह सऐब बोरगोत होरिह दियेस ज़िह तामोरिह च़ाँ