किन्नौरी पहाड़ी Learn From Him

ओह दोरमी होरिह यहोवा रोह तांई खुसियेह जीङयाईयो , किज़ु बोल्ताह दोरमी मांनुषा तिन रोह बोडाई टान ताह बोलोह थाकदोस। (भजन संहिता 33:1) परमेश्वर च़ाँदोस किह तिन रोह छ़ेल्डु पेरेह होरिये तिन रोह बोडाई टानोह च़ाँई। सोंसार कैह ज़ित्तेग बिह मसीही होरिह साह तेनोर माज़ काह तुमोर लाह कियाह लागदोस किह कित्तेग मांनुषा होर रोह मोन च़ोखोह हुवेस ? कित्तेग मांनुषा होरिह सोच़्कोह मोने परमेश्वर रोह बोडाई टान्दे हुसाह ? तामोरिह , ज़ास लाह परमेश्वर रोह ज़रियाए च़ोखोह टानुनस , तामोर लाह सोदा तिन रोह बोडाई टान्नोह च़ाँनोह , किज़ु बोल्ताह दुष्ट आई पापी याह मोरुन मांनुषा तिन रोह बोडाई टानिह नोबोल्दे साह (भजन संहिता 115:17)। तुमोरिह परमेश्वर रोह बोडाई कित्तेग टानिह बोल्दे सोह? भजन संहिता 32:11 आई भजन संहिता 33:1 कैह मुलुक बातेह होरिह एकह ज़ैओस। ज़ैत्रेह तुमोरिह परेमेश्वर लाह दिमाङ तोरिकाए शांदेह सोह, तेत्रेए

यहोवा सोरोग काह आखिह टान्दोस , सोह सऐबे मांनुषा लाह शाएन थाकदोस। सोह ज़िन राज़ टान्दोस , होतिन्छे काह सोह तोल शाई , दोरती गाश थाकदे स्या सऐबे मांनुषा लाह शाएन थाकदोस। (भजन संहिता 33:13-14) ऐखो एकेस ज़ुन एकह पोल्टाङ कैए दोरती रोह पुरोह मांनुषा होर लाह शाई बोल्दोस! होसोह दुख कैह मोरदे स्या होर लाह बिह शांदोस! सोंसार कैह सोदा पोल बोरिह कैह तैर-मैर नूदोह च़ार छ़ेल्डु होरिह ज़ोर्मदे साह ज़ैत्रेह किह सोदा पोल बोरिह कैह दुई मांनुषा होरिह मोरदे साह। तेबिह लोडाई रिह बेरेह, ब्याज़ होरिह फैलनमाईनोह रोह कोरचाते मोरदे स्या रोह गिनती मुलुक बोडिदोस। मांलाह सोदा होयो ज़ान्नोह आछ़दोस किह परमेश्वर काह पुछ़नोह च़ाँनोस किह 'ओह प्रबु, कियाह तुह होई दुख कैह मोरदे स्या, ब्याज़लोह होरिह आई आलाच़ारा होर लाह नाशांदोह सेयाह?' दिमाङे, तामोर रोह ज़ोर्मनोह काह आऊखा (यिर्मयाह1:5) आई तामोरिह मोरिह काह

ज़िह टिम्च़ तेनोरियेह मैंरोह तांई बेश्याउनस , तिज़ काह तुह मांलाह बोच़्याओ , किज़ु बोल्ताह तुह मैंरोह पाक्का गौराङ सेह। (भजन संहिता 31:4) तुमोर काछ़ेह खोराह कुन मांनुष लाह 'सांप ' बोलिह ज़िङयाएन पाह तुमोरिह शुन्दे सोह ताह , तैह तुमोरिह क्याथिसोह ? एकुम बेरेह होई एकह 'टिम्च़' हुताह ?   शैतान सऐबे मांनुषा होर रोह तांई टिम्च़ ल्यांनोह रोह ताक कैह डुलेनस। तेबिह , ज़ुन परमेश्वर काछ़ेह थाकदे साह तेनोरिह कादुए बिह कुन स्या बिह टिम्च़ कैह फोसिह नोबोल्दे साह। भजन संहिता 57:6 बोल्दोस , " मैंरोह दुश्मोन होरियेह मैंरोह तांई टिम्च़ प्रामाईस , आई मैंरोह प्रान बिस्मोन्ताङ फिरिनस , तेनोरियेह हांउ होतिज़ कैह लोटसुह कोन मैंरोह तांई डुगोह खारुङ कोटिस , होतिज़ कैह तेनोरिह आफोरिये लोटिह नाठेह।" दुश्मोना होरिह तुमोर रोह तांई टिम्च़ प्रामाई बोल्दे साह। तेबिह ज़ैत्रह तुमोरिह परमेश्वर काछ़ेह नाशद