च़ोखोह मोन रोह मांनुषा होरिह परमेश्वर रोह बोडाई टान्दे साह!

ओह दोरमी होरिह यहोवा रोह तांई खुसियेह जीङयाईयो, किज़ु बोल्ताह दोरमी मांनुषा तिन रोह बोडाई टान ताह बोलोह थाकदोस। (भजन संहिता 33:1)

परमेश्वर च़ाँदोस किह तिन रोह छ़ेल्डु पेरेह होरिये तिन रोह बोडाई टानोह च़ाँई। सोंसार कैह ज़ित्तेग बिह मसीही होरिह साह तेनोर माज़ काह तुमोर लाह कियाह लागदोस किह कित्तेग मांनुषा होर रोह मोन च़ोखोह हुवेस? कित्तेग मांनुषा होरिह सोच़्कोह मोने परमेश्वर रोह बोडाई टान्दे हुसाह?

तामोरिह, ज़ास लाह परमेश्वर रोह ज़रियाए च़ोखोह टानुनस, तामोर लाह सोदा तिन रोह बोडाई टान्नोह च़ाँनोह, किज़ु बोल्ताह दुष्ट आई पापी याह मोरुन मांनुषा तिन रोह बोडाई टानिह नोबोल्दे साह (भजन संहिता 115:17)। तुमोरिह परमेश्वर रोह बोडाई कित्तेग टानिह बोल्दे सोह? भजन संहिता 32:11 आई भजन संहिता 33:1 कैह मुलुक बातेह होरिह एकह ज़ैओस। ज़ैत्रेह तुमोरिह परेमेश्वर लाह दिमाङ तोरिकाए शांदेह सोह, तेत्रेए तुमोरिह दिमाङ तोरिकाए तिन रोह बोडाई टानिह बोल्दे सोह; ऐखो ज़ास रोह मोन च़ोखोस तेनोरिये परमेश्वर लाह देखिह बोलसाह (मती 5:8)।

ज़ुन मांनुषा होरिह नाओ लाह 'मसीही' बोलिंदेह साह, तेनोरिह नुवांह, तेबिह ऐखो च़ोखोह मोन रोह मांनुषा होरिये परमेश्वर रोह बोडाई पुरोह सोच़ाईयेह टानिह बोल्दे साह।

प्रार्थना:

च़ाँनोह प्रबु ज़ी, ज़िंदगी बोरिह च़ोखोह मोने तेरोह बोडाई टानमेह लाह मैंरोह मोदोत टान। आमीन!

B.A Manakala


Translated to Kinnauri Pahari language spoken in kinnaur district of Himachal Pradesh.