फोशिनोह स्या ज़ागा!

B. A Manakala

तेईंये मांलाह मोरनोह काह बोच़्याईस; आंह हुवाह मैंरोह खुंडिह लाह फोशिनोह काह बोच़्याईस, होज़ रोह तांई हांऊ परमेश्वर रोह आऊखा, ज़ियुंदे होर रोह छ़ायाङ कैह हांडिन थाकसुह (भजन संहिता 56:13)।

शामान रोह मोसारोह कैह ज़ैत्रेह गोएन लागनोह रोह मौसम थाकदोस एकह ब्यालथान आमोरिह पेरेह सिह एकेह, एकह दान रोन डोखरोह कैह रिटाईमेह लाह नाठेह। तिनछे आमोर रोह छ़ेल्डु पेरेह शुप्टि-शुप्टि फोशियेन थियेह, आमोरिये ताह तेनोर लाह पोएले काए बोलिह ज़ागिह थियोह। तेबिह ज़ैत्रेह मैईंयेह आफरोह छ़ेल्डु लाह तिन रोह हाथ काह पाओस, तैह सोह नोलोटोस, तेबिह सोह फोशियोसे।

होई सोंसार कैह ज़िंदगी बित्यांनोह दिमाङे एकह फोशिनोह स्या ज़ागा रोह गानस ज़िन फोशिनोह रोह मुलुक डोर थाकदोस। मुलुक बेरेह तामोरिह सुन्च़िदेह सिह किह तामोरिह सऐब किछ़ दिमाङ टानिह बोल्दे सिह,आई कादुए नोलोटसिह, "तेबिह च़ौकसे थाकेओ" (1 कुरिन्थियों 12:10)। आई होई रेन सोदा कोलाङ ज़ागेओ किह ज़ैत्रेह सेग तुमोरिह परमेश्वर लाह आफरोह हाथ पाई थाकनोह बैज़सोह, तेत्रेह सेग सोह तुमोर रोह खुंडिह लाह फोशिनोह नेबैज़ेस (भजन संहिता 121:3)।

होई पाका टानमेह रोह तांई किह तुमोरिह कादुए नोलोटसोह? तुमोरिह कुन-कुन स्या बातेह होर लाह खोटिह बोलसोह।

फोशिनोह स्या ज़ागा गाश मुलुक गौर माटानेओ; ऐखो आफरोह बुआ परमेश्वर गाशे गौर टानेओ ज़ुनिये तुमोर रोह हाथ लाह पाई ज़ागिस।

प्रार्थना:  बेदान टान्दो स्या बुआ परमेश्वर, मांलाह तेरोह हाथ लाह शोठयाई कादुए बिह ठुरनोह मिदियेह, आई होई सोंसार कैह मांलाह आफुए ज़िंदगी बित्यांनोह रोह कोशिश टान्नोह बिह मिदियेह। आमीन!

Translated to Kinnauri Pahari Language spoken in Kinnaur district of Himachal Pradesh.