उश्टो डोंक गाश च़ोरनोह
मुसिबोत रिह बेरेह सोह मांलाह इफाज़ोत टानेस; सोह मांलाह आफरोह तोंबुआ कैह च़ोरिह ज़ागेस, आई मांलाह उश्टो डोंक गाश खोरोह टानेस। (भजन संहिता 27:5)
राजस्थान कैह चित्तौड़गढ़ किला रोह फिन्डेरी बिलेह होसोह प्रदेश कैह ज़िह कांडोह होरिह साह, होतिन्छे हांडनोह मांलाह आज़ बिह कोलाङस। आम तौर कैह कांडोह होर गाश ज़िह किला होरिह ज़ुर्यांदे साह होतिन्छे दुश्मोना होरिह आसानिये पोछ़िह नोबोल्दे साह।
तामोर लाह एकह पाका डोंक गाश खोराह टानुनस, ज़िन दुश्मोना होरिह पोछ़िह नोबोल्दे साह, ज़िन तुमोरिह आफरोह दुश्मोना होर रोह आऊखा मुटकान तोल्याई खोरोह थाकिह बोल्दे सोह, ज़ुनियेह तुमोर लाह गेर्याई ज़ागुनस (वचन 6)। आज़, तामोर रोह मन्यांत एकह पाका डोंकस, ज़ुन प्रबु यीशु मसीहस। 1 कुरिन्थियों 3:11 बोल्दोस, " किज़ु बोल्ताह ज़िह मन्यांत बैज़िस, होसोह मन्यांत यीशु मसीहस, आई होसोह बास्क्याङ आई किह ओरिक्या मन्यांत नुहुवेस।"
ज़ैत्रेह तुमोर लाह होयो कोल्यांनोह नाछ़दोस किह तुमोरिह एकह पाका डोंक गाश खोरोह सोह तेत्रेह तुमोरिह लोटमेह लागदे सोह।
प्रार्थना:
च़ाँनोह प्रबु ज़ी, हांउ तेरोह शुक्रिया टान्दो सुह किह तेईंयेह मांलाह पाका डोंक गाश खोरोह टानिस। आफरोह दुश्मोना होर रोह आऊखा बिह सोदा होई सोच़ाई लाह सोम्ज़िमेह लाह मैंरोह मोदोत टान। आमीन!
B.A Manakala
Translated to Kinnauri Pahari language spoken in kinnaur district of Himachal Pradesh.
Comments
Post a Comment