परमेश्वर रोह गैत ल्यांनोह
ओह यहोवा रोह च़ोखोह मांनुषा होरिह, यहोवा रोह तांई गैत ल्याओ। आई ज़िह पवित्र नाओए तिन लाह कोलाङ टानिदोस, तिन रोह शुक्रिया टानोह। (भजन संहिता 30:4)
दोरमी मांनुषा होर रोह खास ज़िमेबारी होर माज़ काह एकस ज़िमेबारी-परमेश्वर रोह गैत ल्यांनोस। मांनुष रोह बोरताब ताह आफरोए तारिफ टान्नोस। तामोरिह आफ कैए 'बोलोह बोरताब' लोरिंमेह लाह बोलेह थाकदे सिह। तामोरिह परमेश्वर रोह 'बोलाई' लाह कित्तेग लोरिंदेह सिह?
भजन संहिता 119:68 बोल्दोस, "परमेश्वर तुह बोलोह सेह आई बोलोए खोटदोह सेह...।" होई सोच़ाई परमेश्वर रोह मांनुषा होर रोह ज़िंदगी कैए सोदा देखिंदोस। तामोरिह ज़िंत्तेग परमेश्वर लाह ज़ान्दे सिह, होतिज़ रोए मुताबिक तामोरिह परमेश्वर रोह बोडाई आई आराधना टान्दे सिह। दोरमी मांनुष सोदा परमेश्वर लाह बोदिह काह बोदिह ज़ान्नोह रोह इछा ज़ागदोस। ज़ित्तेग कम तुमोरिह परमेश्वर लाह ज़ान्दे सोह होत्तिगे कम तुमोरिह आराधना टानसोह।
ज़ित्तेग बोलोह तोरिकाए तुमोरिह परमेश्वर लाह ज़ान्दे सोह होत्तिगे बोलोह तोरिकाए तुमोरिह तिन रोह आराधना टान्दे सोह।
प्रार्थना:
च़ाँनोह प्रबु ज़ी, मैंरोह रोज़ रोह ज़िंदगी कैह तांऊ लाह बोदिह काह बोदिह ज़ानमेह लाह मैंरोह मोदोत टान ज़िज़ियेह हांऊ सोदा तेरोह गैत ल्याएन थाकसुह। आमीन!
B.A Manakala
Translated to Kinnauri Pahari language spoken in kinnaur district of Himachal Pradesh.
Comments
Post a Comment